Եթե «շորտիկով» ես՝ ուրեմն սփյուռքահայ ես

Հյուսիսային պողոտան՝ վճարովի պողոտա «Մեզ աջ ու ձախ թալանում են: Ուր գնում ենք՝ փոշմանում ենք: Ինչ անենք, որ Հայաստանում չենք ապրում, բայց դա չի նշանակում, չէ՞ որ մենք թուրք ենք, թշնամի ենք: Մարդիկ այնպես են անում, որ  էլ ընդհանրապես Հայաստան գալու ցանկություն չունենանք: Խանութում խաբում են, սրճարանում-ռեստորանում՝ ավելի գումար հաշվում, անգամ տաքսու վարորդներն են մեզ հիմարացնում: Ես չգիտեի, որ Երեւանում տաքսու վարորդները շորտիկով ու ուսապարկով ուղեւորներին սփյուռքահայ են համարում: Ու եթե հանկարծ մի քանի բառ էլ օտար լեզվով ես խոսում, ուրեմն դու հաստատ կորած ես, քեզանից  1 կիլոմետրի համար մոտավորապես 500 դրամ են վերցնում»,- «Առավոտի» հետ զրույցում նեղսրտում է Համահայկական խաղերի կապակցությամբ Լիբանանից Հայաստան ժամանած մեր հայրենակից Աբգարը: Բեյրութահայ Հակոբն էլ նեղվել էր, որովհետեւ Համահայկական խաղերի ժամանակ Վազգեն Սարգսյանի անվան հանրապետական մարզադաշտում իրենից մեկ շիշ «Կոկա-կոլայի» համար 1000 դրամ էին վերցրել՝ «հետո, երբ մտա սուպերմարկետ՝ տեսա,  որ այդ «կոլան» ընդամենը 250 դրամ է. շատ վիրավորվեցի: Ինչպես կարելի է մարդուն այդպես խաբել: Բոլորից կսպասեի, բացի հայերից, սեփական ազգից»: Լիբանանից ժամանած Պողոսին էլ Հյուսիսային պողոտայում էին խաբել, ասելով, որ այնտեղ տեղադրված նստարանները վճարով են. «Ահագին զբոսնելուց հետո հոգնեցինք, 5-6 հոգով էինք, տեսանք մի նստարան ազատվեց, արագ մոտեցանք, որ նստենք, քանի դեռ ուրիշները չէին նստել: 2 րոպե չէր անցել, մեկ էլ մեզ մոտեցավ մի երիտասարդ ու ասաց, որ պիտի վճարենք՝ 1 ժամվա համար 3000 դրամ: Մենք էլ քանի որ լսել էինք, գիտեինք, որ Երեւանի Հյուսիսային պողոտան համարվում է հարուստների պողոտա, այնտեղ ամեն ինչ՝  խանութները, սրճարանները  թանկ են, մտածեցինք, որ նստարաններն էլ վճարովի են, հավատացինք ու վճարեցինք: Որոշ ժամանակ անց, երբ մեզ միացան մեր հայաստանցի ընկերները, տեղեկանալով, որ վճարել ենք նստելատեղերի համար, ծիծաղեցին մեզ վրա, ասելով, որ նման բան չկա ու չի էլ եղել: Քիչ է մնում մեր շնչած օդի համար էլ վճարենք. չենք զարմանա, որ մի օր էլ այդպես ասեն»,- ասում է Պողոսը ու հավելում, որ իրեն խաբել է նաեւ տաքսու վարորդը, որը Թումանյան փողոցից Էջմիածին տանելու համար 10 000 դրամ է վերցրել: Տղաները դժգոհեցին, որ իրենց խաբել են նաեւ Սեւանում. նախ երիտասարդներին զարմացրել է այն փաստը, որ լճի ափին մի քանի ժամ անցկացնելու համար պետք է վճարել, որովհետեւ իրենք նման բան ուրիշ ոչ մի երկրում չեն տեսել, եւ հետո այն, որ մի ցելոֆանապատ տաղավարի համար 20 000 դրամ են տվել: Մեր խաբված հայրենակիցները դժգոհեցին նաեւ երեւանյան ամենահայտնի ու մեծ սուպերմարկետների ցանցերից. «Խանութից դուրս գալուց հետո կտրոնի վրա հայտնաբերում ես ապրանքների անուններ, որոնք իրականում քո զամբյուղի մեջ չկան: Սուպերմարկետների դրամարկղերի մոտ կանգնած գեղեցկադեմ հայուհիներն աճպարարի պես ինչ-որ թվեր են հաշվում ու մինչ դու տարվում ես նրանց աչքերի գեղեցկությամբ, հայուհիները քեզ այնպես են կողոպտում, որ չես էլ նկատում»,- ավելացնում է Հակոբը, որը մտադրվել է Հայաստանից իր հետ, իր խոսքով ասած, մի «ճարպիկ աղջիկ» տանել: Տղաները կես կատակ-կես լուրջ ասացին, որ զարմանում են, թե ինչպես կարելի է այսքան խելացի ու ճարպիկ լինելով հանդերձ՝ թալանել սեփական ազգին. «Մեր գրպանները հմտորեն  դատարկելու փոխարեն, մեզ լավ վերաբերվեք, որ էլի Հայաստան գալու ցանկություն ունենանք: Անգամ գյուղացի տատիկներն են մեզ խաբում՝ 5 լավաշի համար 2000 դրամ վերցնում, կամ եփած եգիպտացորենի մեկ հատը 500 դրամ վաճառում: Ախր շատ դաժան է»,- եզրափակեց Աբգարը:

ԵՎԱ ՀԱԿՈԲՅԱՆ

ԱՌԱՆՑ ՄԱՐԶԱԿՈՇԻԿՆԵՐԻ

Համահայկական խաղերին մասնակից Երեւանի հավաքականի որոշ թենիսիստուհիներ ստիպված են եղել խաղերի բացմանը մասնակցել առանց համապատասխան մարզակոշիկների, որոնք պատվիրվել էին հատուկ Համահայկական խաղերի մասնակիցների համար:  «Առավոտի» հետ զրույցում 15-ամյա թենիսիստուհիներից մեկը (անունը չենք հրապարակում նրա խնդրանքով) նեղսրտեց, ասելով, որ իրենցից 500-ական դրամ են պահանջել, որպեսզի 42 համարի փոխարեն, իրենց ոտքի չափսին համապատասխան մարզակոշիկ տան. այնինչ, ոչ միայն մարզակոշիկները, այլեւ հատուկ պատվիրված հագուստը, որոնք տրվել են Համահայկական խաղերի մասնակիցներին, պետք է համապատասխաներ նրանց չափսերին:

Ե. Հ.

:)

Մարդկանց ստորացումները վերնիսաժում 1

Անտերությունից կործանվող սրբավայրեր. բացառիկ կադրեր

Աաղջիկներին կարգելի կարճ շրջազգեստներով փողոց դուրս գալ

Սանկտ Պետերբուրգում, գեղեցիկ սեռի ներկայացուցիչներին մոտ ժամանակներս կարող է արգելվել դուրս գալ փողոց, մտնել խանության և այցելել հասարակական այլ վայրեր շատ կարճ շրջազգեստներով, կիսավարտիքներով, ինչպես նաև շատ բաց վերնազգեստներով:  Նման հայտարարություն արել է Ս.Պետերբուրգի արձանագրային վարչության պետ Իվան Արցիշեվսկին: Գեղեցկուհիների նկատմամբ արգելքի կիրառումը դեռևս քննարկման փուլում է:  

ходжалинцы благодарят армян

Խոջալուի կեղծիքը (Khojaly Falsification - تحریف واقعه خوجالی)

Вечно занятым родителям посвящается

Թուրքիայում՝ առանց քաղաքականության

Հայկական մթնոլորտ թուրքական քաղաքում՝  «Միսս 7 մայրցամաքի» շրջանակներում Հայկական ծագում ունեցող «Միսս 7 մայրցամաք» գեղեցկության եւ նորաձեւության միջազգային մրցույթ-փառատոնը այս տարի սեպտեմբերի 20-30-ին կկայանա Թուրքիայի Բոդրում քաղաքում. այդ մասին «Առավոտի» հետ զրույցում ասաց Համաշխարհային գեղեցկության եւ նորաձեւության լիգայի, «Միսս եւ միստր աշխարհ» միջազգային կազմկոմիտեի նախագահ Աշոտ Խաչատրյանը: Հիշեցնենք, որ այս մրցույթն առաջին անգամ անցկացվել է Հայաստանում 2009 թվին: Ըստ Ա. Խաչատրյանի, այն առաջին անգամ Հայաստանում անցկացնելը հատուկ էր արվել, որովհետեւ Հայաստանը երբեք չէր մասնակցել աշխարհի գեղեցկության մրցույթներին, եւ հիմնական պատճառը այս էր՝ կազմակերպել այնպիսի մրցույթ, որ հայ աղջիկներն էլ հնարավորություն ունենան մասնակցել այդպիսի գեղեցկության մրցույթներին: Մեր զրուցակիցը նշեց, որ «Միսս 7 մայրցամաք» գեղեցկության եւ նորաձեւության միջազգային մրցույթ-փառատոնում այս տարի Հայաստանը ներկայացնելու է «Հայաստանի արքայադուստր-2010» գեղեցկության մրցույթի հաղթող, Չեխիայում «Princess of The World-2010»-ի մրցանակակիր («Հ1»-ի սերիալային հերոս «Աննա» հեռուստասերիալում Լիզայի դերակատար) Արեւիկ Գեւորգյանը, մրցույթին մասնակցելու համար դիմել է 30 երկիր: Ա. Խաչատրյանն ասաց. «Միսս 7 մայրցամաքի» վերաբերյալ արձագանքները բավականին մեծ են, ու քանի որ տարբեր երկրներից մասնակից աղջիկները մասնակցել են մի շարք միջազգային մրցույթ-փառատոների, այս մրցույթի հրավերը ստանալուն պես վստահել են ինձ: Ասեմ նաեւ, որ գնալով ավելանում է մրցույթին մասնակցել ցանկացողների թիվը, սակայն ես աշխատում եմ ոչ թե քանակի, այլ որակի վրա: Ընտրում եմ շատ գեղեցիկ ու պրոֆեսիոնալ աղջիկների: Այն գեղեցկության եւ նորաձեւության մրցույթ է, հետեւաբար հաշվի է առնվում ոչ միայն աղջիկների արտաքին գեղեցկությունը, այլեւ կեցվածքը, տաղանդը: Ու, ի տարբերություն մյուս մրցույթների, մեծ ուշադրություն է դարձվում նաեւ աղջկա ինտելեկտի վրա: Մասնակից աղջիկները բոլորն էլ լավ պատրաստված են, բարձրագույն, նույնիսկ կրկնակի համալսարանական կրթությամբ: Ի դեպ, անցյալ տարի էլ Համաշխարհային գեղեցկության եւ նորաձեւության լիգան է անցկացվել Թուրքիայում, այս տարի կանցկացվի Հայաստանում: «Միսս 7 մայրցամաքը» կայանալու է Բոդրումում, որովհետեւ այնտեղ շատ լավ պայմաններ են առաջարկում: Հյուրանոցը բարձրակարգ է, կա ծով, նավ, Սուրբ Մարիամ եկեղեցին եւ այլն, ու ոչ մի քաղաքականություն: Ես այն կարծիքին եմ, որ միջազգային մրցույթը պարտադիր չէ մշտապես անցկացնել նույն երկրում, հակառակը՝ անհրաժեշտ է տարածել այն ամբողջ աշխարհում»,- ավելացրեց Ա. Խաչատրյանը, հավելելով, որ մրցույթում տիրում է բարեկամական մթնոլորտ, բոլոր աղջիկները, ի տարբերություն մյուս մրցույթների, պարգեւատրվում են վկայականներով, տիտղոսներով, մրցանակներով: Ա. Խաչատրյանը նաեւ հայտնեց, որ մրցութը Բորդումում անցկացնելուց բացի, նաեւ առաջարկներ է ստացել եվրոպական երկրներից, սակայն մերժել է, որովհետեւ խնդիրներ կան աղջիկների մուտքի վիզաների հետ կապված. «Եղել են մրցույթներ, որ բավականին մեծ թվով աղջիկներ կանգնել են այս խնդրի առաջ: Որոշեցի Բոդրումն ընտրել, որովհետեւ այնտեղ չկա ոչ մի քաղաքականություն, ճնշում: Մրցույթի կազմակերպիչը ես եմ, թելադրողը ես եմ, Գեւորգ Շադոյանի հայկական հագուստների ցուցադրում է լինելու, հնչելու է հայկական երաժշտություն, մի խոսքով՝ տիրելու է հայկական մթնոլորտ»: Նշենք, որ մոտ 100 միջազգային մրցույթ-փառատոն ներկայացնող Ա. Խաչատրյանը, որն արդեն 20 տարի է՝ ինչ անցկացնում է նաեւ մանկական գեղեցկության մրցույթ, հեղինակն ու հիմնադիրն է «Միսս եւ միստր աշխարհ» մրցույթ-փառատոնի՝ հայտնեց, որ «Միսս աշխարհի» հետ 5 տարի ձգվող դատական պրոցեսում հաղթել է ու ապացուցել, որ ինքն է այդ մրցույթի հիմնադիրը:
ԵՎԱ ՀԱԿՈԲՅԱՆ http://www.aravot.am/am/articles/culture/96436/view

Rachmaninoff Piano Concerto No 3 Mov 1-Part 1